[Lyrics zum Track: PG4 - Standpunkt]
[Deinon]
60er jahr vietnamchrieg und di mediali bilderfluet
bildet zu de üsrige vom militär en widerspruch
mir mached s'land mit waffe zum zivile chriegsopfer-staat
drum han ich mich entschide ich wird chriegsfotograf
bombe-donner tönt und toti die ich vor de linse han
tonne volle giftgas ich bin s'medium für de bildkanal
das isch min protest mach so en politische druck
eine muess doch aneluege wenn nöd ich wer denn suscht
ich wöt die wält so ändere de mänsche was zum dänke geh
zur känntnis neh jede muess die wahri wält jetzt ändlich gseh
bin gschichtszüüge vom elend vo normale persone
wie indonesier di uf schotter zwüsched bahngleis müend wohne
sie händ mich akzeptiert denn ich gib de opfer e stimm
sie händ eus appelliert wil das ihri hoffnige sind
ja min job hät en sinn au wenn ich fascht dra gstorbe wär
mis objektiv als zielrohr jede schuss isch folgeschwer
wie massaker in ruanda das brännt sich uf d'netzhuut
millione hungertoti und bi eus findsch numme fettsucht
di bilder die verschwindet nie vo chinder die in chrieg müend zieh
bin irritiert ich liid in mir denn mini hilf schiint limitiert
ich knipse und ich bäte ohh ich will mich nöd usspräche
warum wirds immerno schlächter warum wirds nöd mal gerächter
wo sind d'richter wo sind d'hänker wenn de mänsch wie n'es tier verändet
ich will hälfe doch en liicheberg sprängt au mini gränze
ich muess brämse all de schmerz die truur, verzwiiflig und die furcht
ich verdiene gäld durch die tragödie man ich gib jetzt uf
min partner isch die kamera es isch min einzig kamerad
ich han für vili kämpft doch leider tritt ich jetzt ganz einsam ab
[Op-C]
ich befinde mich im gliche rum wo die red ghalte wird
chalte wind, mini sinn sind uf sini stimm fixiert
jedi gestik und mimik, wird vo mier studiert
ich gspühre hektik, nüt meh hebt mich, ich gseh nur no retrospective
mier wirds schwarz vor de auge ich chan nöd glaube was ich ghör
was ich gspühr isch chum beschribbahr, es isch zit für min bitrag
ich kämpfe mich dur die mängi, all mit stunende gsichter
snatche sis mic wäg, dänn jetzt isch es mini zit zum brichte
ich bin sälber im chrieg gsi, a de forderschte front
-han ales erläbt- i de mission für ehr und stolz
-kämpft für respäkt- ob verbotte oder vo obe befole
wie roboter programmiert, vor em visier numeno opfer
ich han schlaflosi nächt, wänn ich zrugg dun dänke
han gnötigt und töted, au mini lüt sind eländ veränded
chinder, fraue und männer, chrieg drängt jede zum kämpfe
min chopf sänkt sich nach vorne was zeigt wie sehr ich mich schäme
ich verzell us minnre sicht, als en teil vom chrieg
en teil vom lid, en soldier isch i mine händ krepiert
ein journalischt isch um mich gsi, er fotografiert mich
büted kei hilf a, min fründ verblüeted, ihm isch es glich gsi
ales nur für en bricht, uf de vierte site
ales nur material, zum sini zile schribe
primitive shit ich zeig wivil verzwiflig im spiel isch
für en artikel wo du lisisch und gli wider vergissisch
|