[Lyrics zum Track: PG4 - Mini Traumreis]
[Deinon]
ich muess weg vo da ich muess weg verdammt
grad jetzt wiit weg ines entferntes land
schlüss mini auge mach e mentali reis
weg vo dem scheiss ich beweg mich im chreis
damals als chind han ich vil träne vergosse
doch jetzt i de erg sind di träne vertrochnet
de sand erodiert mini sorge die ich gha han
gseh wunschbilder durch e fata morgana
ich vergiss di bitteri wahrheit und iss süessi dattle
vergiss jedi chrankheit und trink früsches wasser
bin teilwiis gsunke als wenn ich en tote wär
doch jetzt i dem see treit mich s'tote meer
han i de liebi vil päch gha ich stiig ine bergahn
ich muess us dem loch fuck mis härz isch schwer chrank
ich gnüsse d'ussicht alles wiis vom schnee
s'hät ziite geh da han ich nur schwarz und rassismus gseh
gang zrugg is tal zu de grüene fälder
jede duft jedes grüsch isch nur für mich sälber
pflanze werded höcher ich tauche i d'taiga
di reini luft wöt nie meh wieder hei gah
mini neu heimat ohni stress numme freud
sibirische wald ich folg de äst vo de bäum
ich reis wiiter in norde d'nacht wird chürzer
erinnert mich a schlaflosi nächt vo frühner
lauf em pol entgege erläbe mitternatssonne
blaue himmel kei einzig niderschlagswolche
kein dunst kein näbel nur ein stern ganz wiit weg
24 stund läbe carpe diem
ich wach churz uf
ghör en krach fühl de hass vo mim nachbar im huus
s'hört grad wider uf und ich atme fescht uus
und schlaaf wider guet
ich setz mini reis jetzt fort
mängisch bin ich gfühls-chalt bruch en heisse ort
häng an strand spring is meer und spil mit de delphin
vergässe de stadtfruscht und de gstank vom benzin
kei graue fassade, maskerade oder langes gsicht
nur wunderbari bunti farbe strahled im koralleriff
ich fahr im schiff bis s'abig zum tropische rägewald
ha mich mal leer gfühlt g'frögt ob mer so läbe chan
doch die artevielfalt füllt mis glas mit inhalt
tank energie durch d'natur wie n'es windrad
ich triff en indigene er schänkt mir es lache
ich dänk a mis läbe ane wält ohni zaster
ich blicke empor i de riisige kosmos
und ich dörf en mänsch si bi nie wieder trostlos
freiheit flüg über euse blaue planet
ich glaub a d'synthese zwüsched traum und realität
|